Gorde data! Ekainaren 17an banatuko ditugu Bai Euskarari Sariak

2021-04-28
Bai Euskarari

2020an ez genuen Bai Euskarari Sarien banaketa-ekitaldirik egin, baina 2021ean, bai, Bai Euskarari Sariak banatuko ditugu. Donostiako Eureka! Zientzia Museoan izango da ekitaldia, ekainaren 17an, eguerdiko 12:30ean.

Iaz, pandemiak eragindako egoera zela eta, ezin izan genuen Ziurtagiriaren proiektuaren 20. urteurrena ospatu, ezta Bai Euskarari Sarien ekitaldirik egin ere.

Aurten, osasun neurri guztiak hartuta eta aforo mugatuarekin, ekitaldia egitea erabaki dugu. Alor sozioekonomikoan euskalduntzean eragitea da Bai Euskarari Elkartearen helburua eta sari hauen bidez arlo horretan euskara sustatzeko eragin duten hiru entitate saritu eta eredu bihurtu nahi ditugu. Bai Euskarari komunitatearen sarea indartu nahi dugu eta sare horrek merezi duen bezalako aitorpena egin nahi diogu. Horretararako, komunitateko kideok bertan izan nahi zaituztegu.

Eman izena

Zabaldu dugu dagoeneko izena emateko epea. Gogoratu aforoa mugatua dela eta zuentzako leku bat gordetzea nahi baduzue lehenbailehen izena ematea gomendatzen dizuegu.

Saridunak nor diren oraindik ez dizuegu esango, bai ordea eguna eta ordua: 2021eko ekainaren 17an, 12:30ean, Eureka! Zientzia Museoan.

Saridunak, urtez urte

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna